БІРІНШІ КУРС СТУДЕНТТЕРІ ҚАЗАҚСТАН РЕСПУБЛИКАСЫНЫҢ ПРЕЗИДЕНТТІК ОРТАЛЫҒЫНА БАРДЫ

Студенттердің мәдени-адамгершілік құндылықтарын қалыптастыру мақсатында бірінші курс студенттері Қазақстан Республикасының Президенттік орталығына танымдық экскурсия жасады.

Мұражайға бару — тәрбие сағаттарын өткізудің мәдени тәрбиелеу элементтері бар нысаны болып табылады. Бұл шара студенттердің мемлекет тарихына деген қызығушылығын арттыруға, патриоттық сезімін дамытуға және жалпы құзыреттерін қалыптастыруға бағытталған.

Экскурсия мұражай қызметкерінің қызықты түсіндірмелерімен өтті және студенттерге ерекше әсер қалдырды. Әр студент өзіне жаңа тарихи мәліметтерді ашып, Қазақстанның тәуелсіз мемлекет ретінде қалыптасуы мен дамуы туралы тереңірек білді.